Պամլիկո[2] (անգլ.՝ Pamlico Sound), ծովածոց Հյուսիսային Կարոլինայում, Միացյալ Նահանգների արևելյան ափի ամենամեծ ծովածոցը։ Երկարությունը՝ 129 կմ, լայնությունը՝ 48 կմ։ Ծովածոցը Ատլանտյան օվկիանոսից բաժանվում է արտաքին ծանծաղուտների, այդ թվում՝ Հաթերաս հրվանդանի ցածր ավազաթմբերի շղթայով։ Արևմուտքից ծովածոց են թափվում Նյուս և Պամլիկո գետերը (իրականում Թար գետի դելտան)։ Պամլիկոյի ծոցը միանում է Ալբեմարլ ծոցին Ռոանոկ և Կրոատան նեղուցով։ Ծանծաղուտներով մակերեսային ծոցը վտանգավոր է խոշոր նավարկության համար։ Ծանծաղության պատճառով ծոցի վրա մեծապես ազդում են մակընթացությունները և տեղատվությունները, հատկապես այն ժամանակ, երբ դրանք համընկնում են քամիների ուղղության հետ։ Իտալացի ծովագնաց Ջովաննի դա Վերրացցանոն ընդունել է ծովածոցը որպես ելք դեպի Խաղաղ օվկիանոս։
Ծովածոցով անցնում է Միջցամաքային ջրանցքի արևելյան հատվածը։
ԱՄՆ
